POP-UP helgi á Eyju – Andreas töfrar fram 5 rétta seðil!

Eyja er staðsett í miðbæ Akureyrar, Hafnarstræti 90

Það verður mikið fjör á Eyju vínstofu & bistro á Akureyri um helgina, en þá verður haldið spennandi POP-UP með hinum frábæra Andreasi Patreki Williams Gunnarssyni, matreiðslumanni á Monkeys.

Það verður kitchen takeover og Andreas ásamt frábæru teymi fagmanna mun töfra fram fimm rétta matseðil fyrir gesti Eyju.

Andreas hóf feril sinn sem nemi á Dill og hefur síðan þá unnið bæði í Danmörku og veitingastöðum í Reykjavík. Hann hefur haldið POP-UP viðburði í Noregi og á Íslandi, og nú fá bæjarbúar Akureyrar tækifæri til að upplifa matargerð hans í fyrsta flokks umhverfi á Eyju.

Ásamt Andreasi munu þeir Alexander Alvin, „executive chef“ á Eyju og á Hótel Vesturlandi og Helgi Pétur Davíðsson yfirþjónn á Eyju sjá til þess að gestir fái frábæra upplifun.

Eyja vínstofa & bistro er staðsett í miðbæ Akureyrar og getur tekið u.þ.b. 55 gesti í sæti í einu. Staðurinn breytist svo í vínbar á kvöldin eftir matarkeyrsluna um helgar.

Verðið á fimm rétta POP-UP matseðlinum er 10.900 krónur, og bókanir eru nú þegar farnar að streyma inn og er mælt með að tryggja sér sæti sem fyrst.

Heimasíða: www.eyjaak.is

Myndir: facebook / Eyja Vínstofa & Bistro