Keppnirnar um Grænmetiskokk ársins 2026 og Kokk ársins 2026 fara fram í IKEA dagana 26. til 29. mars næstkomandi. Klúbbur Matreiðslumeistara fer með undirbúning og framkvæmd keppnanna líkt og undanfarin ár.

Nánari upplýsingar um dagsetningar á skráningu, grunnhráefni og fleira hér.

Yfirlit frétta um keppnina Grænmetiskokkur ársins hér.

Mynd: Mummi Lú / Andrés Björgvinsson er Gænmetiskokkur ársins 2025.

Keppnirnar um Kokk ársins 2026 og Grænmetiskokk ársins 2026 fara fram í IKEA dagana 26. til 29. mars næstkomandi. Klúbbur Matreiðslumeistara fer með undirbúning og framkvæmd keppnanna líkt og undanfarin ár.

Nánari upplýsingar um dagsetningar á skráningu, grunnhráefni og fleira hér.

Yfirlit frétta um keppnina Kokkur ársins.

Mynd: Mummi Lú / Gabríel Kristinn Bjarnason er Kokkur ársins 2025.

Sunnudaginn 29. mars verður eitt glæsilegasta kvöld ársins í íslenskri matargerð haldið þegar lokahóf og verðlaunaafhending Kokks ársins 2026 fer fram á NASA í Parliament Hótelinu í Reykjavík. Húsið opnar kl. 18:00.

Kvöldið markar hápunkt spennandi og krefjandi keppni þar sem fremstu matreiðslumenn landsins hafa tekist á af metnaði, sköpun og fagmennsku. Þá verða sigurvegarar í bæði Kokki ársins og Grænmetiskokki ársins krýndir við hátíðlega athöfn.

Jafnframt verður fagnað heimkomu íslenskra keppenda úr Nordic Chefs, sem hafa vakið verðskuldaða athygli fyrir framúrskarandi árangur á alþjóðavettvangi.

Gestum býðst að upplifa einstaka stemningu þar sem fagfólk og áhugafólk um matargerð kemur saman til að fagna, tengjast og njóta. Boðið verður upp á léttar veitingar og sannkallaða hátíðarstemningu.

Þetta verður sannkallað stórkvöld sem enginn vill missa af.

Áhugasamir pizzabak­arar fá tækifæri til að láta ljós sitt skína síðar í vor þegar pizzakeppni verður haldin dagana 28. og 29. apríl 2026 í tilraunaeldhúsi ÓJK-ÍSAM. Keppnin er haldin í samstarfi við ítalska hveitiframleiðandann Polselli og verður keppt um vegleg verðlaun.

Fyrstu verðlaun eru sérlega eftirsóknarverð. Sigurvegarinn fær ferð til Ítalíu þar sem hann sækir námskeið hjá Polselli og fær jafnframt tækifæri til að heimsækja frægustu pizzastaði í Napólí. Auk þess verða veitt verðlaun fyrir þrjú efstu sætin í keppninni.

Keppnin byggir á skýrum reglum. Keppendur þurfa að nota Polselli hveiti við pizzugerðina og koma sjálfir með deigið og allt hráefni sem notað er á pizzuna, ásamt uppskrift. Hver keppandi fær 15 til 20 mínútur til að baka pizzuna. Að því loknu smakka dómarar pizzurnar og gefa þeim einkunn.

Áhugasamir geta fengið frekari upplýsingar um skráningu og reglur hjá Eggerti hjá ÓJK-ÍSAM. Hægt er að hafa samband í síma 856-2762 eða með tölvupósti á [email protected].

Worldchefs, áhrifamestu samtök matreiðslumanna í heiminum, verða með ráðstefnu, sýningu og keppni sem fram fer dagana 16.–19. maí 2026 í Newport í Wales.

Þema ráðstefnunnar að þessu sinni er „Pasture, Passion, Plate“, sem heiðrar ferðalag matarins frá uppruna til fullbúins réttar og undirstrikar hvernig matur tengir okkur öll – frá bónda til borðs, yfir landamæri og menningarheima.

Um 1.000 kokkar frá 110 löndum sækja ráðstefnuna, ásamt 30 alþjóðlegum fyrirlesurum og sérfræðingum úr atvinnulífinu. Þá verður jafnframt sýning 200 nýsköpunarfyrirtækja og sýnenda, og búist er við að viðburðurinn laði að um 6.000 þátttakendur víðs vegar að úr heiminum.

Global Chef keppnin fer fram samhliða ráðstefnunni, en þar mun Hinrik Örn Lárusson keppir fyrir Íslands hönd í Wales.

Heimasíða: www.worldchefscongress.org

Kynningarmyndband