Andrés Björgvinsson er Gænmetiskokkur ársins 2025

Andrés Björgvinsson

Grænmetiskokkur ársins 2025 fór fram í gær í IKEA, þar sem keppnin var haldin í sérútbúnum keppniseldhúsum við útgang verslunarinnar.  Verðlaunaafhending fór fram í Bjórgarðinum í kvöld, þar sem úrslitin voru kunngjörð.

1. sæti – Andrés Björgvinsson

2. sæti – Monica Daniela Panait

3. sæti – Kamil Ostrowski

Kamil Ostrowski, Monica Daniela Panait og Andrés Björgvinsson

Um keppnina

Alls tóku fjórir keppendur þátt að þessu sinni:

Monica Daniela Panait – Hótel Geysir

Dominika Kulińska – Mötuneyti sveitarfélagsins Stykkishólms

Andrés Björgvinsson – LUX veitingar

Kamil Ostrowski – Brak

Keppendur höfðu fimm klukkustundir til undirbúnings og hófu matreiðsluna með fimm mínútna millibili. Þeir elduðu þriggja rétta matseðil fyrir 12 manns, þar sem lögð var áhersla á tiltekin hráefni í hverjum rétti:

Forréttur: Tómatur, fennel og blaðsellerí
Aðalréttur: Arborio hrísgrjón, hvítur spergill og grasker
Eftirréttur: Basilíka, jarðarber og rjómaostur

Andrés Björgvinsson kemur til að keppa fyrir Íslands hönd á norrænu meistaramótinu Nordic Green Chef, sem haldið verður í Herning í Danmörku í mars á næsta ári.

Keppnin Grænmetiskokkur ársins er nú haldin í annað sinn á vegum Klúbbs matreiðslumeistara. Fyrsta keppnin fór fram árið 2024, en þá sigraði Bjarki Snær Þorsteinsson og keppti síðar fyrir Íslands hönd á Global Vegan Chef Europe í Rimini á Ítalíu. Þar hafnaði hann í þriðja sæti í keppnishópnum Europe North.

Fleiri fréttir frá keppninni um titilinn Grænmetiskokkur ársins.

Myndir: Mummi Lú