Omnom hlaut bronsverðlaun á International Chocolate Awards

Dökka Omnom súkkulaðið Madagascar  66% hlaut bronsverðlaun á International Chocolate Awards.  Fyrr á árinu fékk Omnom sömu verðlaun fyrir Madagascar 66% í Evrópuúrvalinu og komust  þ.a.l. í lokakeppnina, en valið fór fram í blindsmakki, þar sem 40 af helstu súkkulaðisérfræðingum heims gáfu sitt álit.

Í tilkynningu frá Omnom segir:

Við erum ótrúlega lukkuleg með árangurinn sem hefur náðst á svo stuttum tíma og þær ótrúlegu viðtökur sem við höfum fengið hérna heima, sem og erlendis.  Við lofum að halda áfram að reyna búa til besta súkkulaðið og hlökkum til að sýna ykkur á næsta ári nýjar tegundir sem eru búnar að vera í þróun.

Hægt er að skoða öll úrslitin hér.

Mynd: omnomchocolate.com

/Smári