Nýr veitingastaður í Laugarási: Gísli Matthías opnar Ylju í Laugarás Lagoon

Í sumar opnar nýr baðstaður, Laugarás Lagoon, í Laugarási við bakka Hvítár. Um er að ræða glæsilegt baðlón á tveimur hæðum með fossi sem gestir geta gengið í gegnum. Innandyra verður veitingastaðurinn Ylja, þar sem matreiðslumaðurinn Gísli Matthías Auðunsson mun stýra matargerðinni.

Gísli er þekktur fyrir veitingastaðinn Slippinn í Vestmannaeyjum og hefur hlotið fjölda viðurkenninga fyrir skapandi og vandaða matargerð. Hann segist spenntur fyrir nýja staðnum og vonast til að Ylja verði staður sem slær í gegn og laðar að bæði Íslendinga og erlenda ferðamenn.

Sjá einnig:  Slippurinn í Vestmannaeyjum tekur sitt síðasta tímabil 2025

Framkvæmdir við Laugarás Lagoon hófust í mars 2024 og hafa gengið vel. Áætlað er að ljúka verklegum framkvæmdum í vor, með formlegri opnun í sumar.

Gísli Matthías Auðunsson

Aðstandendur staðarins stefna að því að bjóða upp á einstaka upplifun þar sem náttúra og hönnun sameinast í fallegu umhverfi. Með veitingastaðnum Ylju undir stjórn Gísla Matthíasar er markmiðið að skapa heillandi áfangastað fyrir matgæðinga og þá sem leita að afslöppun.

Hægt er að lesa nánar um málið á mbl.is.

Myndit aðsendar: Tölvuteikning / Mynd af Gísla: Sigurgeir Kristjánsson