Nýr ferskur ostur frá smiðju MS – Twaróg

Það er Mjólkursamsalan sem framleiðir Twaróg ostinn

Íslenskur Twaróg er nýr ferskur ostur sem verður sífellt vinsælli víða um heim, en hann á rætur að rekja til Póllands þar sem hann er meðal þekktustu matvara landsins.

Twaróg er ferskur og bragðmildur ostur með rjómakenndu bragði sem nýtist á afar fjölbreyttan hátt. Hann er til að mynda afar vinsæll sem álegg á brauð með ýmsu grænmeti, kryddjurtum og pestói. Hann er uppistaða í mörgum eftirréttum og ostakökum í Póllandi. Hann smellpassar í ýmsan bakstur og fjölbreytta matargerð og má þar nefna ommilettur og salöt.

Twaróg er skyldastur Kotasælu, sem við þekkjum svo vel og Qvarki / Quargi, sem er neytt í miklu magni í Þýskalandi og Austurríki, og þó áferðin ostanna sé ólík eiga þeir rjómakennt bragðið sameiginlegt.

Mynd: ms.is