Mysa systir Eyju verður gestgjafi Nönnu Rögnvaldardóttur

Nanna Rögnvaldardóttir og Matthew Wickstrom

Einstök upplifun í byrjun aðventu, Matthew Wickstrom yfirkokkur og hinn víðfrægi matarsagnfræðingur og virti matreiðslubókahöfundur Nanna Rögnvaldardóttir sameina hæfileika sína og krafta í fyrstu viku aðventu og skapa kvöldverðarupplifun sem er engri lík þann 26. nóvember.

Nanna er höfundur margra best þekktu íslenskra matreiðslubóka og er m.a. eftirsóttur fyrirlesari í Oxford þar sem hún leggur áherslu á sögu íslenskrar matargerðar. Hún hefur verið mentor Matthew síðastliðin ár og leggur honum nú lið á þessum sérstaka viðburði þar sem hún mun fjalla um erlend áhrif á íslensk jól.

Matthew matreiðir rétti og parar með vínum, allt undir áhrifum frá Nönnu, skrifum hennar og spjalli kvöldsins. Kvöldverðurinn verður 7+ rétta ásamt sérvöldum vínum eða heimagerðum óáfengum drykkjum.  Þetta verður kvöld sem líður seint úr minni.

Aðeins 16 sæti í boði fyrir þessa einstöku upplifun. Smellið hér til að panta borð í gegnum Dineout.is.

Mynd: facebook / Eyja vínstofa