Myndir frá úrslitakeppninni Matreiðslumaður ársins 2015

Atli Erlendsson fagnar hér sigri af mikilli innlifun

Eins og kunnug er þá hlaut Atli Erlendsson, matreiðslumaður á Grillinu á Hóteli Sögu titilinn Matreiðslumaður ársins 2015 í dag eftir skemmtilega lokakeppni í Hörpu.  Annað sætið hlaut Steinn Óskar Sigurðsson matreiðslumaður í Vodafone og var yfirdómari keppninnar Matti Jänsen frá Finnlandi.

Verkefni keppenda var að elda forrétt og aðalrétt úr úrvali hráefna beint frá bónda, upp úr óvissukörfu sem hulunni var svipt af degi fyrir keppni.

Upphaflega sendu sautján matreiðslumenn inn uppskriftir í keppnina sem haldin var með nýju sniði í ár.  Tíu komust áfram í undanúrslit og elduðu uppskriftir sínar með íslenskan þorsk í aðalhlutverki fyrir dómnefnd. Þar voru fjórir hlutskarpastir og tryggðu sér þáttökurétt í lokakeppninni í dag, þeir Atli og Steinn, Axel Clausen Fiskmarkaðurinn og Kristófer Hamilton Lord Lava Bláa Lónið.

Myndir frá því í gær þegar keppendur voru upplýstir um hvaða hráefni þeir fengu fyrir keppni:

Myndir frá úrslitum:

Myndir: Eiríkur Ingi Bengtsson Helgason.

/Smári