MS kynnir tvær nýjar bragðtegundir af kotasælu í byrjun mars

Kotasælan frá MS er í uppáhaldi hjá mörgum enda bragðmild, próteinrík og fitulítil og því einstaklega hollur og góður valkostur ofan á brauð, hrökkbrauð og í hvers kyns matargerð.

Við kynnum nú til leiks tvær nýjar bragðtegundir af kotasælu sem taka hversdagsmatinn upp á næsta stig.

Kotasæla með chili sriracha

Kotasæla með chili sriracha færir fólki smá krydd í tilveruna og kitlar bragðlaukana með bragðmiklu en ekki yfirgnæfandi bragði. Fullkomin á brauð, í vefjur, með grænmeti eða beint úr dósinni þegar þú ert í stuði.

Kotasæla með hvítlauk og pipar

Kotasæla með hvítlauk og pipar er mildari en sú fyrri en samt full af karakter, klassísk og bragðgóð með ljúfum hvítlaukskeim og örlitlum pipar. Hér er komin frábær viðbót í salöt, með kexi, eggjum og í alls kyns matargerð.

Þessar spennandi nýjungar eru á leiðinni í sölu í byrjun mars, svo nú er ekki annað í stöðunni en að finna sína uppáhalds og gera daginn aðeins bragðbetri.