MS kynnir – rjómaost með hvítu súkkulaði – Sérútgáfa

Mjólkursamsalan setur nú í fyrsta sinn á markað sannkallaðan sælkera rjómaost en um er að ræða rjómaost með hvítu súkkulaði sem verður aðeins á markaði í takmarkaðan tíma.

Rjómaostur með hvítu súkkulaði er silkimjúkur, rjómakenndur og einstaklega góður á bragðið og notkunarmöguleikarnir eru ótæmandi.

Hægt er að nota hann eins og hefðbundið rjómaostakrem og setja á kökur og kanilsnúða, kex, hrís og maískökur svo dæmi séu nefnd og svo er um að gera að prófa sig áfram með rjómaostinn í matargerð því hver veit hvað gerist þegar rjómaostur með hvítu súkkulaði hittir fyrir hefðbundið lasanja eða góða súpu.

Ef rjómaostur er í uppáhaldi er upplagt að verða sér út um dós af þessari nýjung og smakka því hér er um að ræða fyrsta íslenska rjómaostinn með hvítu súkkulaði og óvíst hvenær svona góðgæti verður aftur í boði.