Marsfundur KM í máli og myndum

Marsfundur Klúbbs Matreiðslumeistara var haldinn 6. mars s.l. í boði Sölufélags Garðyrkjumanna (SFG) Brúarvogi 2 í Reykjavík.

Í félaginu eru um 70 garðyrkjubændur. Félagið er vel rekið, enda skilar um 90 prósent af heildsöluverði vörunnar sér til framleiðenda.

Nokkrir garðyrkjubændur voru á staðnum og kynntu sína framleiðslu. Má þar nefna hjónin Heiðbjörg og Páll frá Hveravöllum í Reykjahverfi í nágrenni Húsavíkur og Edda og Gunnar frá Ártanga í Grímsnesi en þau kynntu frábært úrval af kryddjurtum.

Veisluföng voru glæsileg

Kokkar staðarins; Egill Ragnarsson og Birgir Rafn Reynisson voru búnir að setja upp glæsilegt veisluborð þar sem íslenskt grænmeti og kryddjurtir var í öndvegi ásamt lamba og nautakjöti.

Með veisluföngunum var boðið upp á gosdrykki ásamt léttvíni sem kynnt var af vínsérfræðingnum Eymari Plédel Jónssyni.

Húshljómsveit var á staðnum og sá um að gera viðburðinn sem glæsilegastan.

Ferskir og bragðgóðir réttir

Það er stefna SFG að auka samstarf við viðskiptavini og stuðla að aukinni notkun grænmetis, t.d. skaffar það í dag grænmeti fyrir um 1600 leikskólabörn.

Vonandi fær íslensk garðyrkja að njóta sín sem best í framtíðinni og fá skilyrði til þess, t.a.m. með hagstæðu raforkuverði.

Meðfylgjandi myndir tók Hilmar B. Jónsson matreiðslumeistari.

Myndir: Hilmar B. Jónsson