Ferskt íslenskt kínakál komið á markað

Ný uppskera af íslensku kínakáli er nú komin í verslanir og geta neytendur því nálgast ferskt, nýuppskorið grænmeti beint frá íslenskum ræktendum.

Kínakál er þekkt fyrir að vera safaríkt, stökkt og milt á bragðið og hentar því vel í fjölbreytta matargerð. Það nýtist jafnt í fersk salöt sem í heita rétti og er vinsælt hráefni í wokrétti, núðlurétti, tacos og vefjur.

Einnig hentar kínakál vel sem ferskt meðlæti með grillmat og getur verið léttur og bragðgóður kostur með ýmsum máltíðum.

Með komu nýrrar uppskeru gefst neytendum tækifæri til að njóta íslensks kínakáls þegar það er upp á sitt besta, ferskt úr ræktun og komið beint í verslanir.

Nánar á islenskt.is.