Kría sigrar með Daydream og tryggir Íslandi sæti í Porto

Vinningshafar, f.v. George Cazacu, Kría Freysdóttir og Ísar Bjarki Hinriksson

Stemningin var rafmögnuð þegar Graham’s Blend Series kokteilakeppnin fór fram á Jungle í gær. Globus og Barþjónaklúbbur Íslands halda utan um skipulagningu keppninnar hérlendis.

10 framúrskarandi barþjónar sem komust áfram í úrslit öttu kappi og var samkeppnin afar hörð. Í dómnefnd sátu Nuno Silva frá Symington Family Estates sem er eigandi Graham’s, Alba E H Hough vínsérfræðingur, Jakob Alf Arnarson sigurvegari Graham’s Blend Series 2024 og Grétar Matthíasson þrefaldur Íslandsmeistari í kokteilagerð.

Dómarar, f.v. Nuno Silva, Alba E H Hough, Jakob Alf Arnarson og Grétar Matthíasson

Í húfi var ekki aðeins glæsileg verðlaun í fljótandi formi og glæsilegur eignabikar heldur einnig sæti í alþjóðlegum úrslitum í Porto í maí, þar sem sigurvegari Íslands mun keppa við nokkra bestu barþjóna heims.

Verðlaunahafar kvöldsins:

1. sæti – Kría Freysdóttir á Tres Locos með kokteilinn Daydream
2. sæti – Ísar Bjarki Hinriksson á Sushi Social með kokteilinn Douro Dusk
3. sæti – George Cazacu á Daisy með kokteilinn Pear & Compass

Einnig hlutu 1. og 2. sæti 4,5 lítra flösku af Graham’s Tawny 10 ára og 3. sæti fékk kassa af Graham’s Blend Nº12 Ruby.

Globus og Barþjónaklúbburinn þakkar Jungle fyrir frábært samstarf, keppendum fyrir metnaðinn og öllum gestum sem lögðu sitt af mörkum til að gera kvöldið ógleymanlegt.

Þorleifur „Tolli“ Sigurbjörnsson, Nuno Silva og Óðinn Jóhannsson

Um Graham’s Blend Series portvínin

Graham’s Blend Nº5 White er fyrsta hvíta portvín Graham’s sem hannað er sérstaklega til blöndunar í kokteila. Það nýtur sín einstaklega vel með Tonic eða einfaldlega kælt eitt og sér. Vínið er létt, líflegt og ávaxtaríkt sem er ferskari nálgun á hefðbundið hvítt port.

Graham’s Blend Nº12 Ruby er fyrsta rauða portvín Graham’s sem sérstaklega er þróað til blöndunar. Það hentar vel í spritz-útgáfur og aðra nútímalega kokteila. Vínið er ferskara og arómatískara en hefðbundið Ruby-portvín, gerjað við lægra hitastig og vínberin tínd að kvöldlagi í hæstu víngörðum Douro-dalsins til að varðveita ferskleika og ávaxta eðli.

Douro-dalurinn í norðurhluta Portúgal er eitt fegursta víngerðarhérað heims, þekktast fyrir framleiðslu á styrktum vínum, þá hinum heimsfrægu portvínum.

Meðfylgjandi eru myndir frá keppninni í gær og ljósmyndari er Þorgeir Ólafsson.