Kokkur ársins 2017: myndir af réttunum og frá úrslitakeppninni

Starfsmenn, eigendur Sumac og fjölskyldumeðlimir fagna hér sigrinum með Hafsteini

Hafsteinn Ólafsson, Sumac Grill + Drinks er Kokkur ársins 2017, þetta er í fjórða sinn sem Hafsteinn tekur þátt í keppninni og fyrsti sigur hans í keppninni.

Hann hefur þegar unnið þrenn silfurverðlaun í sömu keppni. Hafsteinn er yfirkokkur á Sumac Grill + Drinks og meðlimur í Kokkalandsliðinu. Hann hefur þrátt fyrir ungan aldur gríðarlega reynslu í keppnismatreiðslu hérlendis sem og erlendis og mun sem Kokkur ársins keppa fyrir Íslands hönd í „Nordic Chef Of The Year“ 2018 í Danmörku.

Þeir fimm sem kepptu til úrslita voru:

• Bjarni Viðar Þorsteinsson – Sjávargrillið
• Garðar Kári Garðarsson – Deplar Farm / Strikið
• Hafsteinn Ólafsson – Sumac Grill + Drinks
• Rúnar Pierre Heriveaux – Grillið Hótel Saga
• Víðir Erlingsson – Bláa Lónið

Keppnin fór fram fyrir fullum sal í Hörpu á laugardaginn s.l. þar sem fjöldi gesta fylgdust með keppninni þar sem kokkarnir elduðu keppnismáltíðina í IKEA eldhúsum með hráefni frá Nettó.

Samhliða keppninni var haldin veisla fyrir gesti sem tryggðu sér miða á Kokkalandsliðskvöldverð og skemmtun.

Smellið hér til að horfa á 5 klukkustunda efni frá keppninni. Bein útsending var frá klukkan 18:00 til rúmlega 23:00.

Með fylgja myndir af réttunum frá úrslitakeppninni og Kokkalandsliðskvöldverðinum:

Hafsteinn Ólafsson er Kokkur ársins 2017

Garðar Kári Garðarsson – 2. sæti

Víðir Erlingsson – 3. sæti

Bjarni Viðar Þorsteinsson

Rúnar Pierre Heriveaux

Kokkalandsliðskvöldverðurinn

Myndir: facebook / Kokkur Ársins / Sigurjón Sigurjónsson