Kokkalandsliðið sýnir keppnisréttina

Á morgun fimmtudaginn 6. nóvember kl. 11-18 ætlar Kokkalandsliðið að vera í Smáralindinni og sýna yfir 30 rétti sem eldaðir verða í Heimsmeistarakeppninni í matreiðslu sem fram fer í Lúxemborg 22.-27. nóvember. Kokkalandsliðið hefur æft fyrir keppnina síðustu 18 mánuði en keppnisgreinarnar eru tvær, annars vegar er keppt í köldu borði eða Culinary Art Table sem sýnt verður í Smáralindinni og hins vegar er keppt í heitum mat eða Hot Kitchen.

Það tekur rúma tvo sólarhringa að útbúa alla réttina á kalda borðið sem sýnt verður í Smáralindinni en liður í æfingarferlinu er að flytja réttina á milli staða þannig að þeir haldi fullkomnu útliti sínu. Í keppninni eru gerðar miklar kröfur um útlit og hráefnisnotkun. Kokkalandsliðið leggur áherslu á að nota íslenskt hráefni í réttina sína og borðbúnaðurinn er meðal annars unnin úr rekaviði af Ströndum, keramiki, postulíni, silfri og gulli.

Heimsmeistarakeppnin, Culinary World Cup, er haldin á fjögurra ára fresti. Þar mætast færustu kokkar heimsins alls staðar að úr heiminum og keppa sín á milli um gull, silfur og brons verðlaun. Í keppninni um heitu réttina er útbúinn þriggja rétta matseðill með forrétt, aðalrétt og eftirrétt sem eldað er frá grunni á keppnisstað fyrir 110 gesti.

Meðlimir Kokkalandsliðsins eru:

• Hafliði Halldórsson framkvæmdastjóri liðsins
• Þráinn Freyr Vigfússon fyrirliði Lava Bláa lónið
• Viktor Örn Andrésson liðsstjóri Lava Bláa lónið
• Fannar Vernharðsson Vox
• Bjarni Siguróli Jakobsson Slippbarinn
• Ylfa Helgadóttir Kopar
• Hafsteinn Ólafsson Apótekið
• Axel Clausen Fiskmarkaðurinn
• Garðar Kári Garðarsson Strikið
• Daníel Cochran Kolabrautin
• Ari Þór Gunnarsson Fiskfélagið
• Hrafnkell Sigríðarson Bunk Bar
• María Shramko sykurskreytingarmeistari

Fleira tengt efni hér.

Mynd: af facebook síðu Kokkalandsliðsins