Íslenskar agúrkur seljast vel í gegnum netverslunina nemlig.com í Danmörku

Mynd: nemlig.com

Eins og greint var frá í Bændablaðinu fyrir nokkru sendi Sölufélag garðyrkjumanna (SFG) nokkur bretti af agúrkum til Danmerkur.

Gúrkurnar voru seldar í gegnum netverslunina nemlig.com.

Gunnlaugur Karlsson, framkvæmdastjóri SFG, segir í samtali við Bændablaðið að salan á gúrkunum hafi gengið vonum framar.

„Önnur sending af íslenskum gúrkum er komin í sölu hjá nemlig og ekki ástæða til annars en að fleiri fylgi í kjölfarið.“

Íslenskar gúrkur.
Mynd: islenskt.is

Fyrirtækið hefur einnig sýnt áhuga á að selja annars konar matvæli en grænmeti frá Íslandi, eins og kjöt og fisk, og ekki annað að skilja en að Danirnir séu mjög opnir fyrir áframhaldandi viðskiptum.

Það verður því spennandi að sjá hvað gerist í framhaldinu.

Greint frá í Bændablaðinu.