Íslendingar keppa um Norðurlandameistaratitil í matreiðslu og þjónustu í dag

Íslenska föruneytið

Norðurlandakeppni matreiðslumanna og þjóna hófst í morgun í Herning í Danmörku.

Hér eru samankomnir allir helstu matreiðslumenn og þjónar Norðurlandanna sem keppa sín á milli.

Thelma Björk Hlynsdóttir keppandi

Natacha Eliabeth Fischer dómari fyrir hönd Íslands í framreiðslukeppninni

Þrír keppendur taka þátt fyrir Íslands hönd en keppt er í jafnmörgum flokkum.  Kokkur Ársins, Denis Grbic matreiðslumaður á Grillinu á Hótel Sögu keppir í „Nordic Chef“,  Iðunn Sigurðardóttir matreiðslumaður á Matarkjallaranum keppir í „Nordic Chef Junior“ og Thelma Björk Hlynsdóttir þjónn á veitingastaðnum Olo í Finnlandi keppir í „Nordic Waiter“.

Denis Grbic Kokkur Ársins 2016 keppir fyrir Íslands hönd í keppninni Matreiðslumaður Norðurlanda (Nordic Chef Of The Year)

Iðunn Sigurðardóttir matreiðslumaður á Matarkjallaranum keppir í „Nordic Chef Junior“

Keppendur eru 5 í öllum flokkunum en auk fulltrúa Íslands eru keppendur frá Svíþjóð, Danmörku, Finnlandi og Noregi.

Viktor Örn Andrésson sem vann keppnina „Nordic Chef“ árið 2014 situr í dómnefnd fyrir matreiðsluhluta keppninnar. Natacha Elisabeth Fischer dæmir fyrir Íslands hönd í þjónustu.

Leyndarkarfa kynnt

Fyrirkomulag keppninnar er með þeim hætti að kokkarnir fengu að vita í gær hvaða hráefni þeir eiga að nota, en það er þorskur, kræklingur, grísa file, grísasíðu, beikon, dökkt súkkulaði, mangó, sýrður rjómi, epli og að auki hafa keppendur aðgang að grænmetis hlaðborði.

Keppendur þurftu að setja saman þriggja rétta matseðil í gær og skila honum skriflega til dómnefndar sama dag.

Ungliðarnir
Agata Alicja Iwaszkiewicz og Sölvi Már Davíðsson

Iðunn að keppa

Í dag elda keppendur svo réttina í opnu eldhúsi fyrir 8 manna dómnefnd sem dæmir réttina út frá fagmennsku í eldhúsi, bragði, útliti og nýtingu hráefnis.

Meðfylgjandi myndir voru teknar í gær og í morgun.

Myndir: Bjarni Gunnar Kristinsson