Hefur þú „keppnis“ áhuga á matreiðslu?

Ertu lærður matreiðslumaður, matreiðslunemi eða pastry-kokkur?

Hefur þú gaman af því að elda í góðra vina hópi, skiptast á bransasögum og ferðast til útlanda?

Ef svo er þá gætir þú átt erindi í Kokkalandsliðið! Nú er rétta tækifærið. Kokkalandsliðið mun keppa á heimsmeistaramótinu í matreiðslu sem haldið verður í Lúxemborg haustið 2018 og fram undan er strangt og skemmtilegt æfingaferli.

Við leitum að kokkum, desert/pastry-kokkum og nemum sem hafa mikinn áhuga og metnað fyrir mat og getu til að taka þátt í ógleymanlegri lífsreynslu sem gerir okkur öll að betri fagmönnum. Ekki er skilyrði að hafa tekið þátt í keppni áður en vilji og geta til hópvinnu og að tilheyra sterkri liðsheild er algjört lykilatriði.

Stjórn kokkalandsliðsins

Eftirtaldir aðilar skipa stjórn kokkalandsliðsins:

• Ylfa Helgadóttir
• Þráinn Freyr Vigfússon
• Viktor Örn Andrésson
• Steinn Óskar Sigurðsson
• Björn Bragi Bragason

Þjálfarar:

• Ylfa Helgadóttir
• Garðar Kári Garðarsson

Umsóknir

Allir sem hafa áhuga á að taka þátt eru hvattir til að senda inn umsókn og ferilskrá á kokkalandslidid@kokkalandslidid.is

Umsóknarfrestur er til 25. apríl nk.

Frekari upplýsingar veita: Ylfa Helgadóttir, þjálfari Kokkalandsliðsins, netfang: ylfahelgadottir@gmail.com sími: 866 9629 og Björn Bragi Bragason, forseti KM, netfang: bjornbragi@gmail.com sími: 692 9903

Kær kveðja Björn Bragi, forseti Klúbbs matreiðslumeistara