Haukur hættir rekstri í Baulunni um næstu mánaðamót

Baulan er staðsett við Stafholtstungu í Borgarfirði

Baulan veitingar ehf mun hætta sem rekstraraðili Baulunnar í Borgarfirði 1. júní næstkomandi. Það er Haukur Ragnarsson framreiðslumaður og veitingamaður sem hefur rekið staðinn undir þessu nafni síðan fyrir um það bil ári, að því er fram kemur á vefnum Skessuhorn.is.  Haukur starfaði áður sem veitingamaður hjá Brasserie Askur.

Baulan er matvöruverslun sem býður upp á allar nauðsynjavörur og eins matsölustaður þar sem meðal annars er boðið upp á hamborgara, pizzur, kótilettur, pylsur, heitar og kaldar samlokur, kaffi, te, gos, bjór og léttvín.

Ekki liggur fyrir á þessu stigi hver tekur við rekstrinum 1. júní.

Myndir: facebook / Baulan