Glæsilegt Þorrablót Íslendinga á Gran Canaria – Kristján Frederiksen matreiðslmeistari fór á kostum – Myndir

Á bóndadaginn, 24. janúar 2025, héldu Íslendingar á Gran Canaria glæsilegt þorrablót á veitingastaðnum Why Not Lago í Maspalomas.

Viðburðurinn var vel sóttur, með um 220 gestum sem nutu hefðbundins þorramatar og skemmtunar. Matreiðslumeistarinn Kristján Örn Frederiksen sá um eldamennsku og framsetningu á kræsingunum, með aðstoð úrvals starfsfólks.

Undirbúningur krafðist mikillar útsjónarsemi, þar sem súr- og nýmeti var pantað frá Íslandi, meðal annars frá Kjarnafæði og Norðlenska. Dagskráin innihélt fjöldasöng, happadrætti með veglegum vinningum og dansleik.

Guðbjörg Bjarnadóttir, eigandi Why Not Lago, skipulagði viðburðinn, hélt happadrætti og söng á ballinu. Veislustjóri var Sigþór Gunnarsson frá Þingeyri og Pétur Hreinsson, þekktur fyrir spilamennsku með hljómsveitinni Hafrót, sá um tónlistina. Gestir voru ánægðir með vel heppnað þorrablót fjarri heimahögum.

Fleiri myndir og nánari umfjöllun er hægt að lesa á trolli.is hér.

Myndir: Kristján Örn Frederiksen matreiðslumeistari