Fjölmargir féllu fyrir aprílgabbi veitingageirans

Á töflunni stendur:
1. APRÍL.
Þökkum komuna!
Kaffi og kex í boði í tilefni dagsins

Fréttin um Gordon Ramsay að opna veitingastað á Íslandi var aprílgabb.  Nokkur létu gabbast og mættu á staðinn, en voru öll fljót í burtu þegar þau áttuðu sig á hvað var að gerast.  Á facebook fékk fréttin töluverða athygli, þar sem margir deildu og bentu vinum sínum á atvinnutækifærið.

Þetta er í annað sinn sem aprílgabb um að Gordon opni veitingastað á Íslandi er birt á veitingageirinn.is. Síðast var það árið 2014 og heppnaðist það einnig mjög vel.

Rekstraraðilar Nostra voru búnir að undirbúa sig vel fyrir aprílgabbið og settu mynd af Gordon Ramsay í fullri stærð við gluggann sem snýr að Laugaveginum.

Við vonum að engum hafi orðið meint af þessu saklausa gríni okkar.

Myndir: Nostra