Finnland sigraði Global Chefs Challenge | Hilmar B. og Helgi heiðraðir á WACS þinginu

Verðlaunahafarar í fagkeppnunum.
Mynd: Andreas Jacobsen

Síðastliðna daga hefur þingið hjá Alheimssamstökum matreiðslumanna (WACS) farið fram með yfirskriftinni „World on a plate“ í borginni Thessaloniki á Grikklandi.

Samhliða þinginu er stór og mikil matarsýning ásamt keppnunum Global Pastry Chefs Challenge, Young Chefs Challenge og Global Chefs Challenge.

Úrslit í keppnunum voru þessi:

Global Chefs Challenge

Í 1. sæti var finnski matreiðslumeistarinn Eero Vottonen, 2. sætið var Fredrik Andersson frá Svíþjóð og í 3. sæti var Lee Boon Seng frá Singapore.

Global Pastry Chefs Challenge

Sigurvegarinn í Global Pastry Chefs Challenge varð Bella Narae Kim frá Suður Kóreu, í 2. sæti var Frida Bäcke frá Svíþjóð og í 3. sæti var Lee Yam Hock frá Singapore.

Young Chefs Challenge

Í keppni ungliða sigraði Robert Sandberg frá Svíþjóð, í 2. sæti var Tommy Jespersen frá Danmörku og í 3. sæti var Lynette Tay frá Singapore.

Þó svo að Ísland hafi ekki náð settu marki í undankeppninni, þá voru engu að síður fjölmargir Íslenskir matreiðslumenn á þinginu.

World Chefs Without Borders á þinginu.
Árni er þriðji frá hægri.
Mynd: facebook /wacsworldchefs

Árni Þór Arnórsson matreiðslumeistari var á vegum World Chefs Without Borders á þinginu.

Andreas Jacobsen gjaldkeri og Björn Bragi Bragason forseti Klúbbs Matreiðslumeistara voru á þinginu fyrir hönd klúbbsins ásamt því að haldin var NKF fundur fyrst að öll Norðurlöndin voru saman komin á þinginu.

Jakob Magnússon matreiðslumeistari situr í nefnd Culinary comite og var fundað á þinginu með meðlimum þess.

Hilmar B. Jónsson (f.v.) tekur hér við heiðursverðlaunum.
Mynd: facebook /wacsworldchefs

Matreiðslumeistararnir Helgi Einarsson og Hilmar. B Jónsson voru heiðraðir á þinginu fyrir vel unnin störf í WACS ásamt Bian Jiang, Karoly Varga, Markus Iten, Shojiro Urabe og P. Soundararajan.

Á þinginu var Thomas A. Gugler kosinn forseti Alheimssamtaka matreiðslumanna (WACS).

Næsta WACS þing verður haldið í borginni Kuala Lumpur í Malasíu árið 2018.