Ekran nýr bakhjarl Bocuse d’Or Akademíu Íslands

F.v. Bjarni Bjarkason, sölu- og þjónustustjóri Ekrunnar, Hildur Erla Björgvinsdóttir, framkvæmdastjóri Ekrunnar, Sindri Guðbrandur Sigurðsson, keppandi Íslands í Bocuse d’Or, Sigurjón Bragi Geirsson þjálfari og Daníel Jón Ómarsson, sölufulltrúi Ekrunnar.

Ekran kynnir með stolti nýjan samstarfssamning við Bocuse d’Or Akademíu Íslands til tveggja ára.  Sindri Guðbrandur Sigurðsson keppir fyrir Íslands hönd í Bocuse d’Or Europe í Þrándheimi dagana 19. – 20. mars 2024.

Sindri var Kokkur ársins 2023 og hefur verið meðlimur Kokkalandsliðs Íslands á árunum 2018 – 2022.  Sigurjón Bragi Geirsson, keppandi Íslands árið 2023, er þjálfari hans.  Aðstoðamaður Sindra verður Hinrik Örn Halldórsson.

Aðspurðir segjast þeir vera mjög spenntir fyrir komandi vikum og gríðarlega þakklátir fyrir stuðning Ekrunnar.

„Því betra sem baklandið er, því líklegra er að við náum árangri“

bætir Sindri við.

Ekran er hjartanlega sammála og við hlökkum mikið til að fylgjast með Sindra og Hinrik við undirbúning og í keppninni sjálfri.