Bragðmikil og nærandi gulrótarsúpa

Innihald

2-3 msk ólífuolía
2-3 msk smjör
200 g laukur
100 g sellerí
50 ml hvítvínsedik
1 kg gulrætur
2 msk sykur (má sleppa)
1-2 tsk túrmerik
2-3 hvítlauksrif
1 – 1 1/2 lítri vatn/grænmetiskraftur
3-4 lárviðarlauf
1 búnt fersk steinselja

Leiðbeiningar:

Laukur og sellerí skorið fremur smátt og sett í pott ásamt ólífuolíu og ögn af sjávarsalti.

Leyft að glærast um stund. Á meðan eru gulræturnar skornar fremur smátt og þeim síðan bætt í pottinn ásamt smjörinu og sykri og túrmerik.

Leyft að brúnast aðeins í pottinum og taka smá lit áður en smátt söxuðum hvítlauknum er bætt saman við.

Því næst er hvítvínsedikinu hellt í pottinn og leyft að gufa aðeins upp áður en kraftinum er bætt saman við.

Látið malla á meðalhita, þar til grænmetið er fullsoðið.

Þá er steinseljunni bætt saman við, lárviðarlaufin veidd úr og súpan maukuð.

Sett aftur í pottinn, krydduð til og hituð að nýju.

Uppskrift frá Íslenskt.is – Höfundur: Sigurveig Káradóttir