Bapao beef innkallað vegna mögulegrar örverumengunar

Heilbrigðiseftirlit Reykjavíkur hefur, að beiðni Dai Phat Asian Supermarket, innkallað Bapao beef frá vörumerkinu Tjendrawasih vegna óvissu um öryggi kjöts sem notað var við framleiðslu vörunnar.

Samkvæmt tilkynningu er talið að kjötið sem notað var við framleiðsluna sé ekki öruggt vegna óvissu og er hættan sögð felast í mögulegri örverumengun.

Innköllunin tekur eingöngu til eftirfarandi framleiðslulota:

Vörumerki: Tjendrawasih
Vöruheiti: Bapao beef
Geymsluþol: 6. nóvember 2026, 9. janúar 2027 og 12. febrúar 2027
Framleiðandi: Dutch Bakery Group B.V. (Tjendrawasih), Alkmaar í Hollandi
Framleiðsluland: Taíland

Varan hefur verið seld hjá Dai Phat Asian Supermarket að Faxafeni 14 í Reykjavík.

Neytendum sem hafa keypt vöruna er ráðlagt að neyta hennar ekki. Þeir eru hvattir til að farga vörunni eða skila henni í verslun Dai Phat Asian Supermarket.

Mynd: Reykjavik.is