Matvælastofnun varar við: Vanmerktar vörur á borðum Íslendinga

Vanmerktur ofnæmis- og óþolsvaldur í sósu

Matvælastofnun varar neytendur sem hafa ofnæmi-eða óþol fyrir sojabaunum við neyslu á Mang Thomas All purpose Sauce regular sem fyrirtækið Dai Phat  flytur inn. Sósurnar eru vanmerktar og því innkallaðar í samráði við heilbrigðiseftirlit Reykjavíkur.

Matvælastofnun fékk upplýsingar um innköllunina í gegnum Evrópska hraðviðvörunarkerfið RASFF.

Einungis er verðið að innkalla eftirfarandi framleiðslulotur:

• Vörumerki: Mang Thomas
• Vöruheiti: All Purpose Sauce Regular
• Geymsluþol: Best fyrir dags. 30.11.2025, 01.12.2025 og 01.02.2026.
• Nettómagn: 330 g
• Framleiðandi: Mang Tomas
• Framleiðsluland: Filippseyjar
• Innflytjandinn: Dai Phat Trading Inc ehf., Faxafeni 14, 108 Reykjavík.
• Dreifing: Verslun Dai Phat Asian Supermarket, Faxafeni 14

Vanmerktur ofnæmis- og óþolsvaldur í pálmasykri

Matvælastofnun varar neytendur sem hafa ofnæmi eða óþol fyrir súlfíti (brennisteinsdíoxíði) við neyslu á einni lotu af pálmasykri frá Thai dancer vegna þess að súlfítið kemur ekki fram í merkingum vörunnar. Fyrirtækið Dai Phat ehf. sem flytur vöruna inn hefur innkallað hana í samráði við heilbrigðiseftirliti Reykjavíkur. Sama vara en önnur framleiðslulota var innkölluð í maí síðastliðnum.

Matvælastofnun fékk upplýsingar um vöruna í gegnum RASFF hraðviðvörunarkerfi Evrópu um matvæli og fóður.

Innköllunin á einungis við eftirfarandi framleiðslulotu:

• Vörumerki: Thai Dancer
• Vöruheiti: Palm sugar
• Lotunúmer: 301123
• Geymsluþol: Best fyrir dags. 30.11.2025.
• Framleiðsluland: Taíland
• Innflytjandi: Dai Phat Trading Inc ehf., Faxafeni 14, 108 Reykjavík.
• Dreifing: Dai Phat Asian Supermarket, Faxafeni 14

Viðskiptavinum sem hafa keypt vörurnar er bent á að neyta þeirra ekki heldur farga eða skila þeim í þeirri verslun sem þær voru keyptar gegn endurgreiðslu. Fyrir frekari upplýsingar hafið samband í númerið 765-2555.

Myndir: mast.is