Auddi Blö og Steindi Jr. verða kynnar á úrslitakvöldi Tipsý Bar

Þessir keppendur keppa til úrslita á morgun 19. febrúar. Á myndina vantar Heimir Morthens

Tólf kokteilar, valdir úr miklum fjölda innsendinga, öttu kappi í forkeppni Tipsý & Martini sem fram fór í gærkvöldi. Að lokinni spennandi keppni stóðu sex frábærir drykkir uppi og tryggðu sér sæti í úrslitum.

Úrslitakvöldið fer fram á Tipsý Bar fimmtudagskvöldið 19. febrúar klukkan 20.00. Þar munu hæfileikaríkir barþjónar etja saman kröftum og reyna að heilla bæði dómnefnd og gesti með útsjónarsemi, fagmennsku og framsetningu.

Kynnar kvöldsins verða þeir Auddi Blö og Steindi Jr., en í gestadómarahlutverki verða Birgitta Haukdal og Sunneva Einars. Þá sér DJ Suzi um tónlistina og lofað er trylltri stemningu fram eftir kvöldi.

Keppendurnir sex sem mættir eru til úrslita eru:

Sara Rós með kokteilinn Italian Flow.
Birkir Tjörvi Pálsson með L’elisir D’amore.
Andri Dagur með Le piccole cose.
Guðjón með Raggio di sole.
Ragnar Erluson með Rossi di Riviera.
Heimir Morthens með Tricolore.

Það er til mikils að vinna. Sigurvegari kvöldsins hlýtur 300.000 króna gjafabréf í ferð til Costa Blanca með Úrval Útsýn.

Aðgangur er ókeypis og allir velkomnir. Það er því um að gera að kíkja við og upplifa spennuna á staðnum þegar besti kokteill kvöldsins verður krýndur.