Nýtt bakarí, veitingahús, fisk- og kjötbúð og hótel
Almar bakari og Ólöf opna nýtt bakarí á Flúðum og taka við rekstri á nýju kaffihúsi í Reykjadal
Veitingahjónin og eigendur Almars bakari, þau Almar Þór Þorgeirsson og Ólöf Ingibergsdóttir hafa ekki setið auðum höndum s.l. mánuði, en þau hafa opnað nýtt bakarí á Flúðum og bætt við sig rekstri á kaffihúsi og upplýsingamiðstöð í Reykjadal, Café Reykjadalur.
„Almar er draumóramaðurinn í okkar sambandi, honum hafði dreymt um að eiga bakarí og sá draumur rættist 2009 og síðan á hann (við) 4 bakarí í dag, það nýjasta er á Flúðum.“
Segir Ólöf Ingibergsdóttir aðspurð um dugnað þeirra hjóna að opna nýtt bakarí.
„Þar fyrir utan rekum við kaffihús í Reykjadal sem er nýopnað, ofsalega fallegt og truflað útsýni.“
sagði Ólöf í samtali við veitingageirinn.is.
Almar Þór Þorgeirsson og Ólöf Ingibergsdóttir opnuðu fyrstu búðina þann 8 apríl árið 2009 í Sunnumörk 2 í Hveragerði. Síðar opnuðu þau Larsenstræti 3 á Selfossi, Suðurlandsvegi 1 á Hellu og Hrunamannavegi 3 á Flúðum . Um 50 manns starfa hjá Almari bakara í dag.
Ástríða og áhugi á bakstri drífa þau afram. Mikil áhersla er á holl og góð brauð, einnig miklu úrvali af bakkelsi og samlokum. Gæðahráefni og fagmennska er höfð í fyrirrúmi. Þetta er fjölskyldufyrirtæki sem er í stöðugri framþróun með áherslu á góða þjónustu.
Yfirbakari Almars bakari er snillingurinn Örvar Arnason.
Ólöf: „Nýttum nafnið hans í drasl“
Til gamans má geta að Ólöf er með smá hliðarverkefni sem er lífstílsbúð/ferðamannabúð í Sunnumörk í Hveragerði sem býður upp á öðruvísi gjafavörur, en búðin heitir Ramla-store, en nafnið Ramla er Almar afturábak.
„Nýttum nafnið hans í drasl“
Sagði Ólöf hress að lokum. Veitingageirinn.is óskar þeim hjónum innilega til hamingju með nýja bakaríið og kaffihúsið.
Heimasíða: www.almarbakari.is
Facebook / Ramla store
Myndir: aðsendar
Fleiri fréttir hér: Almar bakari.
![](https://veitingageirinn.is/wp-content/uploads/2018/02/veitingageirinn.png)
-
Frétt5 dagar síðan
Veisluþjónusta án starfsleyfis: Matarsýkingar rekjanlegar til rangrar meðhöndlunar hjá veisluþjónustu
-
Vín, drykkir og keppni4 dagar síðan
Pílumeistarinn 2025 krýndur á stórskemmtilegu móti veitingafólks – Myndaveisla
-
Keppni3 dagar síðan
Munið skilafrestinn 14. febrúar – Graham’s Blend Series Kokteil keppni 2025
-
Viðtöl, örfréttir & frumraun3 dagar síðan
Eldhús framtíðarinnar: Snjallbúnaður sem sparar tíma, vinnu og orku – Myndbönd
-
Viðtöl, örfréttir & frumraun2 dagar síðan
Frönsk matargerð í hávegum höfð: Michelin-meistari færir Midland Grand Dining Room á næsta stig
-
Viðtöl, örfréttir & frumraun5 dagar síðan
Nýjustu Michelin-stjörnurnar í Bretlandi og Írlandi – Roux-fjölskyldan fagnar stórsigri
-
Keppni1 dagur síðan
Global Chefs Challenge fer fram á Ítalíu
-
Markaðurinn2 dagar síðan
Vatnsdeigsbolla með Nutella-kremi og kransabita