Myndir frá tveggja ára afmæli Sushi Samba – Maturinn var alveg upp á TÍU

Í seinustu viku dagana 18. og 19. nóvember hélt Sushi Samba upp á tveggja ára afmælið sitt og slóu heldur betur til heljarinnar veislu!

Tíu vinsælustu réttir Sushi Samba voru á 590 kr og buðu þau upp á súkkulaði-fugde með. Til þess að halda öllum gestum í enn betra stuði var Las Moras léttvín á 690 kr og Corona á 590 kr.

Auðvitað var staðurinn PAKK fullur báða dagana og jafnvel þegar landsleikur Ísland-Króatía var, það lét sig enginn vanta og ekki veitingageirinn heldur.

Veitingageirinn.is kíkti við og fékk að smakka þrjá af vinsælustu réttum staðarins og þeir voru alveg upp á TÍU.

Smáborgari Rifin nautarif, sesam bbq-sósa, jalapenohrásalat og kartöfluflögur búnar til á staðnum

Kúbanskur humarvindill, chorizo, döðlur, chillisulta og tómatconfit.

Brasilísk nautarif, svartar baunir, sesam bbq og chillirasp.

Frá því að Sushi Samba opnaði hefur staðurinn verið með fremstu veitingastöðum bæjarins sem fólk sækir á, allar helgar er mikið stuð og alltaf gaman að kíkja við þótt það sé ekki nema í eitt hanastél, þar sem barþjónar staðarins eru með flottann hanastél seðil og mikinn metnað í að gera flotta drykki.

Pacas sá um að stjórna veisluhöldum og Logi Pedro úr Retro Stefson sá um tónana, einnig voru dansarar til að skemmta gestum sem fengu viðskiptavini og starfsfólk til þess að stíga nokkur spor með og ekki vantaði upp á stemninguna eins og sjá má á meðfylgjandi myndum sem við fengum sendar frá Sushi Samba!

Veitingageirinn.is óskar Sushi Samba innilega til hamingju með afmælið!

Afmælismyndir: Sushi Samba

Myndir af mat og texti: Axel