Douglas Rodriguez – Sushi Samba – Veitingarýni – F&F

Sushi Samba tekur þátt í Food & Fun og fékk til sín gestakokkinn og matreiðslustjörnuna Douglas Rodriguez.

Douglas Rodriguez er heimsþekktur sem guðfaðir ný “Latino” matargerðar og hefur skapandi matargerð hans breytt ímynd hennar í Bandaríkjunum. Douglas hefur tekið Bandaríkin með stormi og opnað verðlaunuð veitingahús í fjölda heimsborga, heimabæ hans Miami, Philadelphia, Arizona og sá nýjasti í Astor Hótelinu á Miami Beach.

Hann hefur unnið hin virtu James Beard Award í US auka annarra virtra verðlauna í kokkaheiminum. Einnig hefur hann skrifað fjöldan allan af matreiðslubókum um Suður-Ameríska matargerð.

Í boði var glæsilegur 7 rétta matseðill sem var eftirfarandi:

Þorsk brandade

Grillað súrdeigsbrauð með chimichurri | Þorsk brandade með reyktri tómatsultu og hleyptu egg

Léttur og bragðgóður réttur og góð byrjun á kvöldinu. Súrdeigsbrauðið er gert í samstarfi við Apótek restaurant.

Grjótakrabbamaki með trufflu ponzu, koríander og avókadó

Sérstaða Sushi Samba er sushið og stóð það fyrir sínu. Ferskleikinn skein í gegn í þessum rétti og setti guacamole punktinn yfir i-ið .

Ceviche þrenna
Bleikja með tangarínu og yuzu, rauðspretta með aji amarillo og leturhumar með jalapeno og avókadó

Ískalt og ferskt eins og ceviche á að vera. Hneturnar voru góðar til að hreinsa bragð á milli réttana. Bleikjan best.

Foie gras og fíkju empanada með andarskinku og sítrónu vinaigrette

Fínn réttur. Empanada deigið er gert úr maís.

Steiktur túnfiskur á sykurreyr með moros og sofrito salsa

Skemmtileg samsetning á hráefni þarna. Flott eldun á túnfiskinum og sofrito salsa passaði mjög vel með.

Uxahala krókettur með beinmerg og nauta rib-eye

Eldunin á nautinu alveg uppá 10, mergurinn bragðgóður og krókettan var crispy að utan og djúsý að innan.

Guava og pistasíu pastel með salvíu sykurpúða og pistasíu ís

Mjóg góður eftirréttur til að enda þetta frábæra kvöld

Var þetta mjög góður matur og þjónustan alveg til fyrirmyndar.

Við þökkum kærlega vel fyrir okkur.

/Kristinn