Reykjavík Cocktail Weekend 2015 haldin dagana 4. – 8. febrúar

Barþjónaklúbbur íslands stendur fyrir hinni árlegu kokteilhátíð „Reykjavík Cocktail Weekend“ í samstarfi við helstu veitinga- og skemmtistaði í Reykjavík dagana 4. – 8. febrúar n.k.  Það var árið 1963 sem að Barþjónaklúbbur Íslands var stofnaður en árið á eftir hóf klúbburinn að etja saman barþjónum landsins í kokteilgerð og hefur vinningshafi ávallt hlotið nafnbótina Íslandsmeistari barþjóna og keppt fyrir Íslands hönd á heimsmeistaramóti barþjóna.

Hátíðin hefst miðvikudaginn 4. febrúar og stendur til sunnudagsins 8. febrúar, þar sem henni líkur með úrslitakeppni í Íslandsmóti barþjóna og keppni milli veitingastaða í kokteilgerð í Gamla bíó.

Undankeppnir fara fram fimmtudaginn 5. febrúar og opnar Gamla bíó  kl 19:00.

Um að gera að taka göngutúr um miðbæinn
Allir helstu umboðsaðilar áfengra drykkja verða með kynningu á sínum vörum á meðan á keppni stendur og von er á góðri stemmningu í kringum viðburðina. Samstarfsaðilar Reykjavík Cocktail Weekend munu bjóða upp á sérstakan kokteilseðil sem samanstendur af 5 kokteilum á tilboðsverði dagana 4. – 8. febrúar til klukkan 23.00 öll kvöldin og því um að gera að taka göngutúr um miðbæinn og skilja bílinn eftir því fjöldi góðra drykkja verða á boðstólnum.

Dómnefnd skipuð af Barþjónaklúbbi Íslands mun ganga á milli og smakka valda drykki af kokteilseðlum þáttökustaðanna og velja þrjá bestu drykkina sem keppa svo til úrslita á sunnudagskvöldið í Gamla bíó, vinningsdrykkurinn hlýtur nafngiftina Reykjavík Cocktail Weekend drykkurinn 2015.

Master class – erlendir sérfræðingar
Einnig býður Barþjónaklúbburinn upp á svokallað  „Master Class“ á Center Hotel Plaza laugardaginn 7. febrúar milli kl. 14 & 19, en þar býðst gestum að smakka nokkrar tegundir af viskí, koníak og romm ásamt því að njóta fróðleiks frá þeim sem best til þekkja frá hverju umboði fyrir sig.

Auglýsingapláss

Fyrirlestrar verða í boði á þessum tíma og mun fjölbreytileikinn ráða þar ríkjum, þar sem að erlendir gestafyrirlesarar koma og fræða okkur um vínheiminn.

Nánari upplýsingar á heimasíðu Barþjónaklúbbs Íslands hér.

Fleira tengt efni:
[feed url=“https://veitingageirinn.is/category/cocktail_weekend/feed/“ number=“8″ ]

/Smári

Auglýsingapláss