SHIRO, NO.17 og ĒN opna í miðborg Reykjavíkur

Frá heimsókn sendiherra Japans á Íslandi á SHIRO við Pósthússtræti 17 í Reykjavík.
Mynd: Facebook / Embassy of Japan in Iceland

Þrír nýir japanskir staðir, SHIRO, NO.17 og ĒN, verða opnaðir við Pósthússtræti 17 í miðborg Reykjavíkur í byrjun október. Sameiginleg opnunarhátíð verður haldin 1. október en staðirnir opna formlega fyrir almenningi daginn eftir.

Að því er fram kemur á mbl.is eiga staðirnir það sameiginlegt að leggja áherslu á japanska matar- og drykkjarmenningu, vandað handverk og fyrsta flokks hráefni.

SHIRO verður á tveimur hæðum og býður meðal annars upp á yakiniku, þar sem gestir grilla sjálfir við borðið, washoku-rétti og teppanyaki-matargerð. Yfir eldhúsinu verður kokkurinn Mitsutake Watanabe, sem er meistari japanskrar matargerðar og sérstakur sendiherra japanskrar matargerðar.

Frá SHIRO við Pósthússtræti 17, þar sem staðurinn hefur verið tekinn í gegn og endurgerður.
Mynd: Instagram / shiro_reykjavik

Á jarðhæðinni verður NO.17 með japanskan mat með áhrifum frá Singapúr til að taka með, en í kjallaranum opnar ĒN, kokteilbar þar sem japönsk bar- og kokteilmenning mætir íslenskum hráefnum.

Irene Chua, stofnandi staðanna þriggja, segir mikinn áhuga vera á ósvikinni japanskri matargerð hér á landi og að markmiðið sé að bæta asíska tónum við fjölbreytta veitingamenningu Reykjavíkur.

Nánar má lesa um SHIRO, NO.17 og ĒN á mbl.is.