Innnes gerir breytingar á vefverslun og greiðsluferli

Innnes vöruhúsið, þar sem pantanir eru afgreiddar til viðskiptavina um land allt.

Við viljum upplýsa um breytingar á vefverslun Innnes sem taka gildi mánudaginn 22. júní næstkomandi. Markmið breytingana er að einfalda, bæta öryggi og auka skilvirkni í afgreiðslu pantana.

Staðgreiðsluviðskipti

Fyrir viðskiptavini sem eru í staðgreiðslu á viðskiptareikning er það framvegis eingöngu í boði gegn því að gilt greiðslukort (debet/kredit) sé skráð á viðskiptareikninginn. Skrá þarf greiðslukort undir Mínar síður > Bókhald > Greiðsluupplýsingar.

Úttektarheimild tengist sölu

Úttektarheimild verður sýnileg á sama stað og greiðsluupplýsingar undir Mínar síður https://innnes.is/minar-sidur/bokhald/greidsluupplysingar/

Úttektarheimild viðskiptavinar verður framvegis tengd beint við pöntunarferli í vefverslun. Fari pöntun yfir samþykkta úttektarheimild fer pöntunin ekki í gegn.

Yfirlit yfir reikninga og afrit, greiðsluseðla og hreyfingayfirlit má nálgast á Mínar síður > Bókhald.

Ef pöntun stöðvast

Ef pöntun stöðvast sökum þess að farið er yfir úttektarheimild, er hægt að greiða eldri greiðsluseðla í heimabanka. Úttektarheimild virkjast sjálfkrafa þegar greiðsla hefur verið framkvæmd og viðskipti geta haldið áfram.

Til viðbótar við greiðslur á eldri greiðsluseðlum verður boðið upp á greiðslu stakra pantana með greiðslukorti, ef þess þarf.

Við hjá Innnes teljum að ofangreindar breytingar stuðli að betri þjónustu, skilvirkari og hraðari afgreiðslu pantana. Ef spurningar vakna eru starfsmenn Innnes ávallt tilbúnir að aðstoða.