Hver bauð fyrst upp á Jólahlaðborð á Íslandi?

Pistillinn „Jólaglögg – Jólahlaðborð og Þorláksmessuskata“ eftir hann Wilhelm W.G.Wessman framreiðslumeistara hefur vakið mikla athygli þar sem Wilhelm segir meðal annars að fyrsta Jólahlaðborðið hafi verið haldið í Grillinu 21. desember árið 1980.

Fróðir menn segja að þetta sé ekki rétt heldur að Bjarni í Brauðbæ hafi fyrstur boðið upp á Jólahlaðborðið hér á Íslandi s.b.  grein sem birtist í Morgunblaðinu.

Í sannleika sagt get ég ekki farið að ljúga upp á sjálfan mig og segja að ég hafi ekki staðið fyrir Jólahlaðborði í Grillinu 1980.  Minni mitt er óskeikult í þessu ég var aðstoðarhótelstjóri á Sögu 1980 og átti í miklu basli með að fá Konráð Guðmundsson hótelstjóra til að samþykka Jólahlaðborðið og fékk með semingi að endurtaka það 1981. Um mitt ár 1982 leigði ég allan veitinga-og ráðstefnurekstur Hótel Sögu og var þá minn eigin herra. Ég er ekki í neinum meting með hver var með fyrsta Jólahlaðborðið Grillið á Hótel Sögu eða Brauðbær.

Eftir að ég kom heim aftur eftir langa veru erlendis ( Starfaði sem ráðgjafi í opnum hótela fyrir InterContinental Hotel Group) hef ég orðið var við að hinir og þessir hafa eignað sér verkin mín ( starfað mikið á félagslega sviðinu var mikið í menntamálum og formaður SVG nú SAF í sjö ár ) svo ég er vanur maður.

, sagði Wilhelm í samtali við veitingageirinn.is aðspurður um fyrsta Jólahlaðborðið á Íslandi.

Mynd: úr safni