Verður þú næsti framreiðslu- eða matreiðslunemi ársins? – Skráning hafin

Þriðjudaginn 24. október 2023 verður haldin keppni matreiðslu- og framreiðslunema. Skila þarf umsókn til Matvæla- og veitingagreina Iðunnar með því að fylla út formið hér að neðan. Umsóknarfrestur er til 15. október. 

Tveir stigahæstu einstaklingarnir í matreiðslu og framreiðslu munu taka þátt í Norrænu nemakeppninni sem verður haldin í Helsinki í apríl 2024.

Keppendur sem unnið hafa keppnina áður hafa ekki keppnisrétt í Helsinki.

Keppnin í matreiðslu skiptist í tvo hluta:

• skriflegt próf
• verklegan hluta þar sem verkefnið er að matreiða klassískan forrétt og aðalrétt

Keppnin í framreiðslu skiptist í:

• skriflegt próf
• blöndun drykkja – tveir drykkir
• uppsetning á kvöldverðarborði ásamt blómum, fjórir réttir fyrir tvo gesti
• vínpörun við matseðil
• eldsteiking
• fjögur servíettubrot

Keppendur hafa ekki aðgang að hjálpargögnum við úrlausn verkefna.

Keppendur mega ekki vera eldri en 23 ára á árinu 2023 og þurfa að vera á námssamningi þegar Norræna nemakeppnin fer fram.

Allar nánari upplýsingar gefur Steinn Óskar Sigurðsson, leiðtogi matvæla og veitingagreina hjá Iðunni fræðslusetri, í netfangi [email protected].

Skráning hér.