Veitingastaðurinn Harbour House verður opinn í fyrsta sinn yfir veturinn

Samhliða rekstrinum stundar Sigmar meistaranám í Hótel- og matvælaskólanum

Yfir veturinn hefur veitingastaðurinn Harbour House á Siglufirði verið lokaður. Í byrjun sumars tók Sigmar Bech framreiðslumaður við rekstrinum á veitingahúsinu og hefur gert marga góða hluti á staðnum og stefnan var að vera með reksturinn í sumar.

Rekstur Harbour House gekk vonum fram í sumar og nú ætlar Sigmar að halda rekstri áfram í vetur og verður opnunartími frá fimmtudegi til sunnudags til að byrja með.

Harbour House býður upp á bragðgóðan og einfaldan mat og hafa gestir verið mjög ánægðir með mat og þjónustu

„Ég mun hafa bruncinn áfram á laugardögum frá 12-14 og sunnudögum frá 9-13 í vetur! Einnig verður lambalærið á sínum stað frá 18-21 á sunnudögum.“

Segir Sigmar í tilkynningunni og vonar svo sannarlega að bæjarbúar og aðrir haldi áfram að njóta þess sem Harbour House hefur upp á að bjóða.

Samhliða rekstrinum stundar Sigmar meistaranám í Hótel- og matvælaskólanum.

Myndir: facebook / Harbour House Café