Veitingastaðirnir í Gránufélagshúsinu loka

Gránufélagshúsin.
Húsið á sér víðamikla og merkilega sögu. Húsið er rótgróinn hluti af sögu Akureyrarbæjar, þar sem það hefur staðið í ein 140 ár og er jafnframt elsta hús sem stendur á Oddeyri.

„Því miður hefur verið tekin ákvörðun um að loka veitingastöðunum hér í Gránufélags húsnæðinu.“

Segir í tilkynningu og á þar við veitingastaðina Eyr og Austur PizzaBar á Akureyri.

Sjá einnig: Tveir nýir veitingastaðir opna á Bryggjunni á Akureyri

Veitingarekstur hefur verið í húsinu síðastliðin 10 ár, en nú stendur til að húsið fái nýtt hlutverk.  Gránufélagshúsið var auglýst til sölu í september í fyrra, en að sögn eiganda hússins, Róberts Häsler matreiðslumeistara, sem er jafnframt rekstraraðili veitingastaðanna sem í húsinu voru, þá langaði hann að sjá hvort einhver áhugi væri fyrir húsinu.

„Þetta eru bara þreifingar. Húsið er stórt og býður upp á fjölbreyttari rekstur en þann sem er hér núna. Það væri gaman að fá enn meira líf í þetta stóra og mikla hús, maður veit aldrei nema einhver þarna úti sé með góða hugmynd,“

segir Róbert í samtali við akureyri.net í fyrra, en skrifstofur Niceair voru m.a. áður í húsinu.

Róbert sagði í viðtali að hann sá ekki fyrir sér að veitingastaðirnir tveir sem fyrir eru í húsinu séu að fara þaðan heldur miklu frekar að nýir eigendur geti fengið leigusamning með í kaupunum, en það hefur greinilega orðið breyting á.

Mynd: bryggjan.is