Veitingahúsið Indian Curry opnar útibú í Reykjavík

Indian Curry house við Vesturgötu 12 í Reykjavík.

Veitingahúsið Indian Curry hefur opnað útibú að Vesturgötu 12 í Reykjavík.

Það var árið 2004 sem að Indian Curry opnaði fyrsta indverska veitingastaðinn á Akureyri.  Staðurinn var fyrst til húsa í litla turninum í miðbænum á Akureyri og hét þá Indian Curry Hut.  Árið 2017 flutti veitingahúsið í stærra húsnæði við Ráðhústorg og var nafni staðarins breytt í Indian Curry House.

Sathiya Moorthy

Eigandi og yfirkokkur staðarins er Sathiya Moorthy, en hann er frá Madras á Suður-Indlandi og er menntaður kokkur. Hann kom til Íslands árið 1997 og vann fyrst á austurlenskum veitingastað í Reykjavík. Árið 2004 flutti hann svo til Akureyrar með fjölskyldu sinni og stofnaði Indian Curry Hut.

Indian Curry House er kærkomin viðbót í veitingahúsaflóruna í Reykjavík.

Myndir: facebook / Indian Curry House