Frétt
Veirusýking í íslenskri tómatrækt – Er ekki skaðleg fólki eða dýrum
Nú í haust greindust tveir plöntusjúkdómar í tómatrækt hérlendis. Um er að ræða veiruna Pepino Mosaic Virus (PepMV) og spóluhnýðissýkingu (Potato Spindle Tuber Viroid – PSTVd). Niðurstöður rannsóknar Matvælastofnunar gefa til kynna að veirusmitið af völdum PepMV eigi sér sameiginlegan uppruna og sé útbreitt meðal tómatræktenda hérlendis.
Sjúkdómarnir eru ekki skaðlegir fólki en geta valdið miklum afföllum í tómatrækt. Matvælastofnun veit ekki til þess að veiran eða veirungurinn hafi áður náð fótfestu í garðyrkju hérlendis.
Við rannsókn voru tekin 22 sýni til hraðprófunar, af þeim voru 12 jákvæð fyrir PepMV veirunni. Ekki var skimað fyrir spóluhnýðissýkingu í hraðprófun. Einnig voru 16 ný sýni frá sömu ræktendum send til frekari rannsóknar, af þeim voru níu jákvæð fyrir PepMV og eitt jákvætt fyrir spóluhnýðissýkingu. Sex ræktendur höfðu þegar tæmt hús þegar sýnataka fór fram og ekki fengust sýni frá þeim. Spóluhnýðissýking greindist hjá tveimur til viðbótar síðasta haust við sýnatökur ræktenda.
Niðurstöður rannsóknar sýna að sýkingarnar eru bundnar við Suðurlandsundirlendið en ekki er hægt að útiloka frekari útbreiðslu í öðrum landshlutum.
Í kjölfar sýkinga voru smitvarnir auknar og settar takmarkanir á samgangi milli ræktunarstaða. Matvælastofnun vekur einnig athygli á því að innfluttir tómatar geta borið með sér smit. Til þess að stemma stigu við frekari útbreiðslu mun Matvælastofnun vinna að auknum smitvörnum á býlum sem greinst hafa með ofangreinda sjúkdóma.
Í fréttatilkynningu Matvælastofnunar segir að veiran og veirungurinn eru ekki skaðleg fólki eða dýrum. Spóluhnýðissýking getur hins vegar borist í kartöflur með tilheyrandi afföllum. Matvælastofnun beinir því til kartöfluræktenda að gæta að mögulegu krosssmiti frá einstaklingum og aðföngum sem borið gætu smit úr tómatrækt.
Nánari upplýsingar um plöntusjúkdómana er að finna í ítarefninu hér að neðan.
Ítarefni
- Leiðbeiningar Matvælastofnunar um smitvarnir fyrir ræktendur garðyrkjuafurða
- Veirusmit í tómatrækt – frétt Matvælastofnunar frá 03.11.17
- Vírus í tómatrækt – frétt Matvælastofnunar frá 02.10.17
Mynd: úr safni
Brons hjá Íslandi í bæði framreiðslu og matreiðslu
Rúnar snýr aftur á Hótel Holt sem yfirkokkur
Reykjavík Cocktail Week lauk með úrslitum og hátíðarkvöldverði í Gamla Bíó – Myndaveisla
Konráð Hilmarsson um Marseille: „Skemmtilegast var að heyra að Ísland væri komið áfram“
Myndir frá formlegri opnun á nýjum stað hjá Mat og drykk
Tveir þekktir matreiðslumeistarar ganga til liðs við Múlakaffi
Gamla góða draumtertan sem klikkar aldrei
Gleðilegt sumar – Tilboð frá Nathan
Íslensk matargerð í sviðsljósinu í Barcelona
Ný Heinz ChefsBottle hönnuð af kokkum fyrir kokka
Pítsuofninn kominn á GOTT eftir lokun Pítsugerðarinnar
Svangur þjófur braust inn í Almars bakarí í Hveragerði
„Draumurinn hefur alltaf verið að keppa í þessari keppni,“ segir Snædís
Eldhús í ofurkeyrslu: 1.000 starfsmenn umbreyta Mercedes-Benz Stadium á innan við 18 klukkustundum
2,3 milljarðar króna í mat á ári, svona er eldhúsið á Rikers rekið – Myndband
-
Keppni4 dagar síðanBrons hjá Íslandi í bæði framreiðslu og matreiðslu
-
Viðtöl, örfréttir & frumraun5 dagar síðanRúnar snýr aftur á Hótel Holt sem yfirkokkur
-
Viðtöl, örfréttir & frumraun6 dagar síðanPítsuofninn kominn á GOTT eftir lokun Pítsugerðarinnar
-
Íslandsmót barþjóna3 dagar síðanReykjavík Cocktail Week lauk með úrslitum og hátíðarkvöldverði í Gamla Bíó – Myndaveisla
-
Bocuse d´Or5 dagar síðanKonráð Hilmarsson um Marseille: „Skemmtilegast var að heyra að Ísland væri komið áfram“
-
Nýtt bakarí, veitingahús, fisk- og kjötbúð og hótel4 dagar síðanMyndir frá formlegri opnun á nýjum stað hjá Mat og drykk
-
Markaðurinn6 dagar síðanKlassískt lasanja fær nýtt bragð með kotasælu
-
Frétt2 dagar síðanAftur greinist salmonella í nautahakki