Úrslit í Norrænu nemakeppninni – Ísland í öðru sæti í matreiðslu – Myndir og vídeó

Ísland í 2. sæti í matreiðslu.
Keppendurnir Klara Lind Óskarsdóttir, Guðmundur Halldór Bender og þjálfari þeirra Ísak Darri Þorsteinsson.

Nú um helgina fór fram Norræna nemakeppnin, en keppnin var haldin í Hótel-, og matvælaskólanum þar sem nemar í matreiðslu og framreiðslu frá Íslandi, Finnland, Danmörku, Noregi og Svíþjóð kepptu.  Keppnin stóð yfir dagana 23. og 24. apríl.

Úrslit

Í matreiðslu:

1. sæti – Noregur

2. sæti – Ísland

3. sæti – Finnland

Í framreiðslu:

1. sæti – Danmörk

2. sæti – Finnland

3. sæti – Noregur

Íslensku keppendurnir

Í matreiðslu kepptu fyrir hönd Íslands Klara Lind Óskarsdóttir nemi á Hótel Húsafelli og Guðmundur Halldór Bender nemi á Héðni. Í framreiðslu kepptu þau Petra Sif Lárusdóttir nemi á Rub23 og Tumi Dagur Haraldsson nemi á VOX.

Þjálfarar

Þjálfari framreiðslunemanna var Elías Már Hallgrímsson og þjálfari matreiðslunemanna var Ísak Darri Þorsteinsson.

1 sætið.
Danir í framreiðslu og Norðmenn í matreiðslu.

2. sætið.
Finnland í framreiðslu og Ísland í matreiðslu.

3. sætið.
Norðmenn í framreiðslu og Finnland í matreiðslu.

Keppnisfyrirkomulag

Í framreiðslu var keppt í helstu hæfniþáttum framreiðslustarfsins s.s. þjónustu, borðlagningu, vínsmakki, blöndun áfengra og óáfengra drykkja, para saman vín/drykkja- og matseðil, fyrirskurð, eldsteikingu og framreiðslu.

Í matreiðslu var keppt í beitingu á mismunandi matreiðsluaðferðum, framsetningu á réttum, bragði og fl.

Fyrri daginn, þ.e. á laugardaginn 23. apríl, var matreiddur heitur grænmetisforréttur, Aamuse bouches þar sem meginhráefnið var kjúklingalifur og þang.

Á sunnudeginum 24. apríl unnu matreiðslu- og framreiðslunemarnir saman að verkefni dagsins sem var að setja upp matseðil- og drykkjarseðil fyrir fimm rétta máltíð. Hráefnið seinni daginn var óþekkt „Mystery box“.

Fleiri fréttir af Norrænu nemakeppninni hér.

Vídeó

Myndir:

Meðfylgjandi myndir tók Jón Svavarsson ljósmyndari.