Úrslit í norrænu nemakeppninni í matreiðslu og framreiðslu 2024 – Íslensku framreiðslunemarnir í 3. sæti

Íslensku framreiðslunemarnir hrepptu 3. sætið

Seinni keppnisdagur fór fram í dag í norrænu nemakeppninni í matreiðslu og framreiðslu, en hún er haldin að þessu sinni í Helsinki.

Dagurinn byrjaði snemma þar sem keppendur fengu að sjá hráefnið í leyni körfunni „mystery basket“.  Bæði liðin fengu 10 mínútur til að útbúa matseðil og velja með honum vín við hæfi á vínseðilinn.

Fyrsti réttur átti að innihalda fisk sem oftast er kallaður „white fish“ eða „Siika“ og svo átti 60% af réttinum að vera vegan meðlæti.

Annar réttur var grænmetisréttur þar sem nota átti grænan aspars.

Þriðji rétturinn sem var aðalrétturinn sem átti að innihalda vor kjúkling „spring chicken“.

Fjórða rétt sáu þjónarnir svo um, en þar var í boði úrval af finnskum ostum, kex og apríkósu sultu.

Seinasti rétturinn var svo hin klassíski Crépes suzette eða eldsteiktar pönnukökur.

Dagurinn heppnaðist vel og keppendur vor sáttir með sitt framlag í dag og reynsluna sem þeir taka með sé heim úr þessari keppni.

Í kvöld fór fram hátíðarkvöldverður á veitingastaðnum Töölö þar sem úrslitin voru kynnt.

Eins og áður sagði, þá stóðu bæði liðin sig frábærlega vel og komust framreiðslunemarnir á verðlaunapall og enduðu í 3. sæti.

Árangur sem íslenska liðið getur verið stolt af.

Úrslitin urðu á þessa leið:

Framreiðsla

1. sæti – Danmörk

2. sæti – Noregur

3. sæti – Ísland

Matreiðsla

1. sæti – Finnland

2. sæti – Danmörk

3. sæti – Noregur

Keppendur í framreiðslu eru Elvar Halldór Hróar Sigurðsson nemi á veitingastaðnum OTO og Daníel Árni Sverrisson nemi á veitingastaðnum Monkeys og keppendur í matreiðslu eru Andrés Björgvinsson og Óðinn Birgisson báðir nemar á Grand Hótel Reykjavík

Þjálfari framreiðslunemana er Axel Árni Herbertsson og þjálfari matreiðslunema er Gabríel Kristinn Bjarnason.

Fleiri fréttir hér.

Myndir: aðsendar