Þessir kokkar elduðu á Kótilettukvöldi Samhjálpar

F.v. Jóhann Sveinsson, Kristján Magnússon, Valur Bergmundsson, Lárus Loftsson og Arnar Darri Bjarnason

Í gær fór fram hið árlega Kótilettukvöld Samhjálpar og að þessu sinni á Hilton Reykjavík Nordica þar sem matreiðslumeistarar KM elduðu dásamlegar kótilettur. Kvöldið var stútfullt af skemmtilegri tónlist, happdrætti og öðrum óvæntum uppákomum. Húsið opnaði klukkan 18:30 og dagskráin hófst klukkan 19;00 og stóð til 22:00.

Í rúma hálfa öld hefur Samhjálp staðið vörð um jaðarsetta hópa sem lifa við fátækt og félagslega einangrun, sem oft er afleiðing af langvarandi glímu við fíkn.

Samhjálp rekur meðferðarheimilið Hlaðgerðarkot þar sem pláss er fyrir 30 einstaklinga í meðferð við fíknisjúkdómum, kaffistofu Samhjálpar sem gefur um 100 þúsund máltíðir á ári, ásamt áfanga- og stuðningsheimilum í Reykjavík og Kópavogi.

Miðaverð á kótilettukvöldið var frá 9.900 krónur og allur ágóði rann til starfsemi Samhjálpar.

Myndir: aðsendar / Andreas Jacobsen