Vertu memm

Viðtöl, örfréttir & frumraun

Spennandi tímar framundan hjá Klúbbi Matreiðslumeistara – Lárusi Rúnari Loftssyni veitt heiðursorða KM

Birting:

þann

Spennandi tímar framundan hjá Klúbbi Matreiðslumeistara - Lárusi Rúnari Loftssyni veitt heiðursorðu KM

Ný stjórn Klúbbs Matreiðslumeistara

Aðalfundur Klúbbs matreiðslumeistara var haldinn á Hótel Varmalandi í Borgarfirði laugardaginn 29. apríl sl. Á fundinum voru að venju hefðbundin aðalfundastörf ásamt því að ný stjórn var kosin. Á fundinum skapaðist góð umræða um félagsstarfið og hvernig fjölga megi félögum og var að því tilefni stofnuð nýliðunarnefnd.

Þeir Jón Þór Friðgeirsson og Ragnar Wessman hættu í stjórn og í þeirra stað komu Ívar Örn Hansen og Jón Ingi Ólafsson.

Spennandi tímar framundan hjá Klúbbi Matreiðslumeistara - Lárusi Rúnari Loftssyni veitt heiðursorðu KM

Þórir Erlingsson forseti Klúbbs matreiðslumeistara

„Um leið og við bjóðum Ívari Erni og Jón Inga velkomna í stjórn þökkum við Jóni Þór og Ragnari fyrir frábær störf og erum fullvissir að þeir eiga eftir að vera virkir í öðrum störfum fyrir KM á næstu árum.“

Sagði Þórir Erlingsson, forseti Klúbbs matreiðslumeistara.

„Það eru spennandi tímar framunda hjá KM, eins og endranær, keppnin um Kokk ársins og aðalfundur ný búin og Norðulandþing ásamt keppninni um matreiðslumann norðurlandanna nú í lok maí.

Á næstu dögum munum við svo kynna nýjan landsliðsþjálfara og landslið“

kom einnig fram í máli Þóris.

Lárus Loftsson heiðursfélagi Klúbbs matreiðslumeistara

Spennandi tímar framundan hjá Klúbbi Matreiðslumeistara - Lárusi Rúnari Loftssyni veitt heiðursorðu KM

Bjarki Ingþór Hilmarsson, Lárus Loftsson og Þórir Erlingsson

Á árshátíð Klúbbs matreiðslumeistara sem haldin var á Hótel Varmalandi í Borgarfirði þann 29. apríl síðasliðin var Lárusi Rúnari Loftssyni veitt heiðursorðu KM. Lárus gekk í KM árið 1983 og var forseti KM á árunum 1984 til 1986.

„Lárus hefur alltaf verið virkur í starfi KM og unnið mikið og óeigingjarnt starf fyrir KM allt síðan hann gekk í KM eða síðustu 40 ár“

sagði Þórir Erlingsson forseti Klúbbs matreiðslumeistara við þetta einstaka tækifæri.

Lárus lærði fagið á árunum 1964 til 1968 í Múlakaffi og á Hótel Sögu. Námið á Sögu kom til vegna þess að á þessum tíma urðu staðir að láta nema sína kynnast öðru en það sem staðurinn þeirra bauð upp á. Hann starfaði á Múlakaffi í 15 ár eftir að hann kláraði námið, fyrst sem matreiðslumaður og svo yfirmatreiðslumaður.

Eftir starfið á Múlakaffi varð hann svo yfirmatreiðslumeistari í Veitingamanninnum allt þar til hann stofnaði eigin veisluþjónustu; Veitingaþjónusta Lárusar Loftssonar, þar sem hann starfaði þar til hann seldi fyrirtækið. Þess má þó geta að hann starfar enn hjá nýju eigendunum.

Lárus er fjórði félagsmaður Klúbbs matreiðslumeistara sem hlýtur þann heiður að vera veitt heiðurssorðu KM. Aðrir heiðursfélagar eru Bragi Ingason, sem nú er látinn, en hann fékk heiðursorðu KM árið 1987, Ib Wessman sem fékk heiðurorðu KM árið 1992 og loks Hilmar B Jónsson, sem fékk heiðursorðu KM árið 2022.

Myndir: Klúbbur Matreiðslumeistara

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið