Sælkerabúðin opnar dyrnar formlega – Sjáðu myndirnar

Hinrik og Viktor opna Sælkerabúðina formlega í dag með öllum sínum dásamlega spennandi vörum.

„Þá erum við Hinrik Lárusson officaly komnir í búðarbransann. Sælkerabúðin Bitruhálsi 2 loksins klár hjá okkur.“

Skrifar Viktor á facebook í gær og bætir við:

„Tókum smá prufuopnun í kvöld. Formleg opnun er svo á morgun (fimmtudaginn 14. maí) kl 14:00. Takk öll sem hafa barist í þessu með okkur.
PS. Við verðum með opnunartilboð um helgina og freyðivín á kantinum.“

Viktor Örn Andrésson og Hinrik Örn Lárusson

Viktor Örn Andrésson og og Hinrik Örn Lárusson matreiðslumeistarar eru mennirnir á bak við Sælkerabúðina, en þeir reka einnig veisluþjónustuna Lux Veitingar og þeim til aðstoðar eru tveir meðlimir í Kokkalandsliðinu, en það eru þeir Ísak Aron Jóhannsson og Ísak Darri Þorsteinsson.

Sælkerabúðin sérhæfir sig í hágæða kjöti og meðlæti og einnig er í boði heildarlausnir í tilbúnum matarpökkum, charcuterie og ostum ásamt úrval af sérvörum, sjá nánar hér.

Myndir: aðsendar