Opnunarhátíð Matey haldin í Sagnheimum

Nú 5-.7. september n.k verður sjávarréttahátíðin Matey haldin hátíðleg í hinu glæsilega sjávarsamfélagi Vestmannaeyja og þar gestir fá að upplifa samblöndu af sjávarfangi frá Vestmannaeyjum, nýstárlegri matreiðslu og frábæru samstarfi fiskframleiðenda fleiri matvælaframleiðenda og ferðaþjónustuaðila í Eyjum.

Opnunarhátíð Matey verður haldin í Sagnheimum í Safnahúsinu í Vestmannaeyjum miðvikudaginn 4. september kl: 17:00 og eru allir velkomnir.

Eins og fram hefur komið, þá eru eingöngu konur í forystuhlutverki á MATEY þetta árið, en allir gestakokkarnir eru öflugir kvenleiðtogar í matreiðslu og koma víða að.

Adriana Solis Cavita – kemur frá Mexíkó og verður á veitingastaðnum GOTT
Rosie May Maguire – kemur frá Bretlandi og verður á veitingastaðnum Slippnum
Renata Zalles – kemur frá Bólivíu og verður á veitingastaðnum Einsa kalda.

Dagskráin á opnunarhátíðinni:

Tónlistarfólk úr Eyjum spilar létta tóna.

Kynningar og smakk á matvælum úr Eyjum frá VSV, Ísfélagi Vestmannaeyja, og Brothers Brewery. Frumsýning og kynning á nýjum bjór frá Brothers Brewery, veitingar frá Ölgerðinni.

Íris Róbertsdóttir bæjarstjóri opnar hátíðina.

Sjávarsamfélagið Vestmannaeyjar
Frosti Gíslason

Kynning á sigurvegurum í matreiðslukeppni Íslandsstofu / Seafood from Iceland.

Hugmyndafræði matarhátíðarinnar og hráefnið.
Gísli Matthías Auðunsson og kynning matreiðslumeistaranna.
Kynning á gestakokkum og réttum hátíðarinnar.

Listasýningin ,,Sjávarsamfélagið”
Listakonur úr Listafélaginu Litku sýna