Nýr hamborgari kynntur á Hamborgarafabrikkunni – Vilborgarinn er heiðursborgari Vilborgar suðurpólfara

Vilborgarinn er 120 gramma ungnautahamborgari, marineraður í indverskri kryddblöndu, með stökku Papadum, ferskri myntu, kóríander og spínati og heimalagaðri döðlusósu. Hann er borinn fram með sætum kartöflum með ristuðu, indversku Tadka.

Hamborgarafabrikkan, í samstarfi við indverska kokkinn Shijo Mathew, hefur sett saman indverskan hamborgara til heiðurs Vilborgar Örnu Gissurardóttur. Vilborg er ein fremsta ævintýrakona okkar Íslendinga.

Með ástríðu og áræðni gekk hún einsömul á Suðurpólinn árið 2013 og komst fyrst íslenskra kvenna á tind Everest fjalls árið 2017.

Jói og Vilborg fóru á toppinn

Vilborgarinn er 120 gramma ungnautahamborgari, marineraður í indverskri kryddblöndu, með stökku Papadum, ferskri myntu, kóríander og spínati og heimalagaðri döðlusósu. Hann er borinn fram með sætum kartöflum með ristuðu, indversku Tadka.

Allar Vilborgir fengu ókeypis Vilborgara á Vilborgardaginn

Í tilefni af vígslu borgarans efndi Hamborgarafabrikkan til Vilborgardagsins í gær þriðjudaginn 9. janúar. Þann dag fengu allar konur sem heita Vilborg að fornafni eða millilnafni ókeypis Vilborgara og gos gegn framvísun persónuskilríkja.

Vídeó: facebook / fabrikkan

Mynd: aðsend