Nýir stjórnendur hjá Argentínu steikhúsi

Tveir nýir stjórnendur hafa verið ráðnir hjá veitingastaðnum Argentínu steikhúsi við Barónstíg. Þessa dagana standa yfir ýmsar endurbætur á hinum rómaða veitingastað, sem fagnar brátt þrjátíu ára afmæli sínu.

Edda Sif Sigurðardóttir er nýr rekstrarstjóri Argentínu. Hún er fjármálaverkfræðingur að mennt og átti og rak Dúkkuhúsið Verzlun í Kringlunni og við Vatnsstíg um árabil. Edda hefur að undanförnu verið í fæðingarorlofi, en tekur nú við daglegri stjórn Argentínu.

Sjá einnig: Argentína Steikhús – Veitingarýni

Stefán B. Guðjónsson hefur verið ráðinn veitingastjóri Argentínu. Hann er útskrifaður framreiðslumeistari úr Hótel- og matvælaskólanum í Kópavogi og er einn þekktasti vínsérfræðingur þjóðarinnar. Var lengi yfirþjónn á Argentínu, umsjónarmaður sjónvarpsþáttanna Vínsmakkarinn og hefur hlotið fjölda viðurkenninga fyrir störf sín, m.a. hlotið oftar en einu sinni nafnbótina vínþjónn ársins og framreiðslumaður ársins. Stefán hefur klárað viðurkennt nám hjá Court of master sommelier.

Sjá einnig: Argentína Steikhús – Skylduheimsókn fyrir þá sem kunna gott að meta

Argentína steikhús er í eigu Bos ehf, en eigandi þess og framkvæmdastjóri er Björn Ingi Hrafnsson.

Samsett mynd: facebook / Argentína Steikhús