Klúbbur framreiðslumeistara endurvakinn

Um nokkurt skeið hefur verið umræða um að endurvekja klúbb framreiðslumeistara. Með það að leiðarljósi var boðað til aðalfundar í hinum endurvakna klúbbi á veitingastaðnum Monkeys 13. febrúar sl.

Kosið var til nýrrar stjórnar og vonast stjórn og meðlimir eftir því að vegsemd og virðing fyrir framreiðslu iðninni aukist og komist aftur á sinn fyrri stall.

Ný stjórn þakkar það traust sem henni er sýnt og hlakkar til að starfa í þágu félagsmanna næsta árið og vonast til að rísa undir því trausti.

Veitingageirinn á íslandi hefur svo sannarlega farið í gegnum tímana tvenna.

Starfsumhverfi og aðstæður hafa verið með miklum ólíkindum í samfélaginu síðustu misseri. Nú þegar ferðaiðnaðurinn fer aftur stækkandi, skiptir gríðarlega miklu máli að sem flestir hafi aðgengi að bestu upplifun og þjónustu sem við Íslendingar höfum uppá að bjóða.

Markmið nýrrar stjórnar er að viðhalda og styðja við faglegar framreiðslu hefðir , auka þekkingu á faginu og síðast en ekki síst að halda utan um þjálfunar- og keppnis hluta framreiðslu sviðsins.

Eftirfarandi aðilar eru í stjórn Klúbbs framreiðslumeistara