Elías hefur störf hjá Soho

Soho Café

Hvalur sýndi listir sínar rétt fyrir neðan Soho veisluþjónustunni í Reykjanesbæ. Algengt hefur verið s.l. vikur að sjá hvali við Keflavíkurhöfn enda mikið af makríl og makríll er ofarlega á matseðlinum hjá hvölunum.  Starfsfólkið á Soho hefur notið þess með stórfenglegu útsýni yfir flóann þar sem hvalirnir sýna oft á tíðum tignarlegar tilfæringar við fóðuraflanir.

Hér má sjá einn hval rétt fyrir neðan Soho:

Á Soho Café er rúmlega 100 manns í hverju hádegi. Staðurinn tekur um 40 manns í sæti
Mynd: Magnús Valur Pálsson / Soho

Elías Örn Friðfinnsson

Það hefur verið mjög mikið að gera á Soho Café sem staðsett er í sama húsnæði og veisluþjónustan, en staðurinn hefur verið að afgreiða rúmlega 100 manns í hverju hádegi frá klukkan 11 til 14 alla virka daga. Nú fyrir stuttu hóf Elías Örn Friðfinnsson matreiðslumaður störf hjá Soho. Elías lærði fræðin sín á Hótel Sögu og starfaði nú síðast sem matreiðslumaður á veitingastaðnum Kopar. Til gamans má geta að Elías var annar aðstoðarmaður hjá Sigurði Helgasyni í undankeppni Bocuse d´Or árið 2014.

Soho útsýni

Facebook: Soho Catering-Veisluþjónusta

Vídeó: Svandís Þorsteinsdóttir

Myndir: Smári