Hótel Geysir lokar í apríl

Hótel Geysir verður lokað þangað til í lok apríl vegna aðstæðnanna sem skapast hafa vegna kórónuveirufaraldursins COVID-19.

Geysir Glíma veitingahús verður hins vegar opið fyrir þá gesti sem eru að ferðast á Geysissvæðinu. Opnunartímar Geysir Glímu verða í apríl frá kl 11:00 – 17:00. Þar er hægt að fá heitan mat í hádeginu, pizzur, þrjár tegundir af súpum, samlokur, kökur og ljúffengt kaffi svo fátt eitt sé nefnt.

„Við getum ekki beðið eftir því að taka aftur á móti gestum á Hótel Geysi með sömu hlýju og gestrisni og við höfum ætíð gert þegar þessu er lokið. Þar sem ástandið með COVID-19 er stöðugt að breytast munum við upplýsa gesti okkar um næstu skref um leið og þau eru ljós.“

segir í tilkynningu frá Hótel Geysi.

Mynd: facebook / Hótel Geysir